Bláskelin

Bláskel er oft nefnd 'kræklingur', en einnig kölluð 'krákuskel' eða 'kráka'.
Fræðiheiti hennar er 'Mytilus edulis'.

Króksfjörður er næringarríkur fyrir bláskeljar

Lífshættir bláskelja

Bláskelin notar sérstaka spunaþræði til að festa sig við bólstað sinn. Á hafsbotni eru það steinhnullungar, þari eða aðrir hlutir sem hún velur sér til festu. Í ræktunarneti er bláskelin fljót að aðlagast og festir sig auðveldlega við búnaðinn. Á ræktunarlínu er skelin 2-3 ár að vaxa í neyslustærð.

Uppeldisaðstæður skeljarinnar í Króksfirði eru alfarið lífrænar. Meginfæða skeljarinnar eru svifþörungar, lífrænar plöntuleifar og smáagnir sem þær sía úr sjónum.